How To Read Whatsapp Deleted Message

Telugu News Mar 3, 2024 309 0

వాట్సాప్‌లో మెసేజ్ పంపి డిలీట్ చేశారా? అయినా చదవొచ్చు.. జస్ట్ ఈ ట్రిక్ ఫాలోకండి

WhatsApp: వాట్సాప్‌లో డెలీట్డ్ మెసేజ్ చదవడానికి ఓ ట్రిక్ ఉందట. మరి ఆ ట్రిక్ ఏంటి? ఒకసారి పంపి డిలీట్ చేసిన మెసేజ్ ఎలా చదవొచ్చు అనేది ఇప్పుడు చూద్దాం.

ఈ రోజుల్లో కమ్యూనికేషన్ చాలా సులువైంది. టెక్నాలజీ పెరగడం, వాట్సాప్‌ లాంటి కమ్యూనికేషన్ యాప్స్ అందుబాటులోకి రావడంతో ఎంత దూరంలో ఉన్నా కూడా ఒకరినొకరు ఈజీగా కనెక్ట్ అవుతున్నారు. పైగా వాట్సాప్‌ ఎప్పటికప్పుడు సరికొత్త ఫీచర్స్ అందుబాటులోకి తీసుకొస్తోంది.

యూజర్ ఎక్స్‌పీరియన్స్ మెరుగుపరిచేందుకు ఎప్పటికప్పుడు సరికొత్త ఫీచర్లను అందిస్తున్న వాట్సాప్‌ వినియోగదారుల గోప్యతపై కూడా దృష్టి సారిస్తోంది. ఈ నేపథ్యంలో అనుకోకుండా పంపిన మెసేజెస్, ఒకరికి పంపబోయి మరొకరికి పంపిన మెసేజెస్ డిలీట్ చేసే ఫీచర్‌ను జోడించింది వాట్సాప్‌.

ఈ ఫీచర్ ద్వారా వినియోగదారులు ఒకసారి సందేశాన్ని పంపిన తర్వాత దాన్ని తొలగించవచ్చు. అలా డిలీట్ చేశాక ఈ సందేశాన్ని ఎవరూ చదవలేరు. అయితే చాలా మంది వినియోగదారులకు ఇలాంటి తొలగించిన సందేశాల పట్ల ఓ రకమైన క్యూరియాసిటీ ఉంటుందనే మాట వాస్తవం.

అయితే డిలీట్ చేసిన సందేశాలను చదవడానికి అధికారిక మార్గం లేదు గానీ ఓ ట్రిక్ సహాయంతో చదవొచ్చు అని కొందరు చెబుతున్నారు. మరి అదెలాగో ఇప్పుడు చూద్దాం.

ముందుగా సెట్టింగ్స్ ఓపెన్ చేసి నోటిఫికేషన్ ఆప్షన్‌లోకి వెళ్లాలి. అక్కడ మీరు నోటిఫికేషన్ హిస్టరీ పొందుతారు. ఆ తర్వాత టోగుల్‌ను ఆన్ చేసి డిలీటెడ్ మెసేజ్ చదవొచ్చు అంటున్నారు. మీ ఫోన్‌లో వచ్చే ఏదైనా నోటిఫికేషన్, దాని హిస్టరీ అనేది 24 గంటల పాటు అందుబాటులో ఉంటుంది. ఎవరైనా WhatsApp సందేశాన్ని తొలగించినట్లయితే.. ఇలా యాక్సెస్ చేయవచ్చు. అయితే ఫొటోస్, వీడియోస్ మాత్రం పొందలేరు.