ఇండస్ట్రీలో విషాదం, గుండెపోటుతో షూటింగ్‌లోనే కుప్పకూలిన యంగ్ హీరో.

divyaamedia@gmail.com
2 Min Read

బుధవారం ఉదయం 11 గంటలకు సుదీప్ పాండే గుండెపోటుతో మృతి చెందాడు. కొన్ని రోజులుగా అతడు తన రాబోయే సినిమా షూటింగ్ నిమిత్తం బిజీగా ఉన్నాడు. సుదీప్ మరణానంతరం ఆయన చాలా కష్టాల్లో ఉన్నారని అతని స్నేహితుల్లో ఒకరు చెప్పారు. మిత్రుడు చెప్పిన దాని ప్రకారం.. సుదీప్ సినిమా కెరీర్ సరిగ్గా సాగడం లేదు. సుదీప్ ‘విక్టర్’ అనే హిందీ సినిమా తీసి చాలా నష్టపోయాడు. అంతేకాకుండా సుదీప్ వైవాహిక జీవితం కూడా చాలా ఒత్తిడితో సాగింది.

అయితే ఉన్నట్లుండి అతను గుండెపోటుతో కుప్పకూలాడు. ఆ తర్వాత ఆస్పత్రిలో చేర్పించినా ఫలితం లేకపోయింది భోజ్‌పురి సినీ పరిశ్రమలో సందీప్ కు యాక్షన్ హీరోగా ప్రత్యేక గుర్తింపు ఉంది. నటనతో పాటు నిర్మాణంలో కూడా పాలుపంచుకున్నాడు. సుదీప్ మరణ వార్త విషయాన్నిఅతని సన్నిహితులు సోషల్ మీడియాలో ధృవీకరించారు. సుదీప్ పాండే 2007లో చిత్ర పరిశ్రమలోకి అడుగుపెట్టారు. ‘భోజ్‌పురి భయ్యా’ అతని మొదటి సినిమా. తక్కువ కాలంలోనే యాక్షన్ హీరోగా గుర్తింపు తెచ్చుకున్నాడు.

‘ఖూనీ దంగల్’, ‘మసీహా బాబు’, ‘హమర్ సంగీ బజరంగీ బాలి’, ‘హమర్ లాల్కర్’, ‘షరాబీ’, ‘ఖుర్బానీ’ వంటి సినిమాల్లో సుదీప్ నటించాడు. సినిమాల్లో నటిస్తూనే రాజకీయాల్లోకి అడుగు పెట్టాడు. ఎన్సీపీ పార్టీ లో క్రియాశీలకంగా వ్యవహరిస్తున్నాడీ యంగ్ హీరో. సినిమాల్లోకి రాకముందు అతను సాఫ్ట్‌వేర్ ఇంజనీర్ గా కూడా పనిచేశాడు. సుదీప్ పాండే ఫిట్‌నెస్‌కు ఎక్కువ ప్రాధాన్యత ఇచ్చాడు. రోజూ జిమ్‌లో గంటల తరబడి వ్యాయామం చేసేవాడు. అతనికి హ్యాండ్సమ్ హంక్ అనే పేరు కూడా ఉంది.

ఇంత ఫిట్‌గా ఉన్నా సుదీప్ కు గుండెపోటు ఎందుకు వచ్చిందనే ప్రశ్న మరోసారి అందరినీ ఆశ్చర్యపరుస్తోంది. కాగా సుదీప్ పాండే కూడా ఆర్థిక సమస్యల్లో ఉన్నాడని అతని స్నేహితుడు చెప్పాడు. ‘విక్టర్‌’ పేరుతో ఓ చిత్రాన్ని నిర్మించారు. ఈ సినిమా ఫ్లాప్ కావడంతో సుదీప్ తన డబ్బులన్నీ పోగొట్టుకుని అప్పుల పాలయ్యాడంటున్నారు.

Share This Article
Leave a comment

Leave a Reply

Your email address will not be published. Required fields are marked *