బీచ్ ఒడ్డున ప్రశాంతంగా ధ్యానం చేస్తున్న ఆమెను ఎగసిపడిన అలలు సముద్రంలోకి లాగాయి. కెమిల్లాను రక్షించడానికి ఓ వ్యక్తి ప్రయత్నించాడు. కానీ దురదృష్టవశాత్తు ఆమెను రక్షించడంలో విఫలమయ్యాడు. కొద్దిసేపటికే ఆమె మృతదేహం బీచ్ ఒడ్డుకు కొట్టుకొచ్చింది. అయితే రష్యాన్ నటి కెమిల్లా బెల్యాట్స్కాయ (24) థాయ్లాండ్లోని ప్రముఖ విహార ప్రదేశం కో స్యామ్యూయ్ ద్వీపంకి తన ప్రియుడితో కలిసి ఇటీవల వెళ్లింది.
బీచ్ ఒడ్డున తనకు ఇష్టమైన స్థలంలో యోగా చేసేందుకు ఒంటరిగా కారులో అక్కడి వెళ్లింది. కెమిల్లా గతంలోనూ పలు మార్లు అక్కడికి వచ్చింది. అయితే సంఘటన జరిగిన రోజు యోగా మ్యాట్ తీసుకుని సముద్రం ఒడ్డున చదునుగా ఉన్న ఓ పెద్ద బండరాయిపై కూర్చుని యోగా చేస్తున్న సమయంలో ఒక్కసారిగా సముద్రంలోని అలలు విజృంభించాయి. ఈ క్రమంలో ఓ పెద్ద అల కెమిల్లాను సముద్రంలోకి లాక్కుపోయింది.
చాలా సేపటి వరకు ఆమె సముద్రంలో అలల మధ్య చిక్కుకుని ఉన్న దృశ్యాలు అక్కడి సీసీ టీవీలో రికార్డయ్యాయి. ఆమె కొట్టుకుపోయిన దాదాపు 15 నిమిషాల తర్వాత రెస్క్యూ టీం అక్కడికి చేరుకుంది. సముద్రంలో ప్రమాదకరమైన అలల కారణంగా రెస్క్యూ నిలిపివేశారు. దీంతో వారు ఆమెను కాపాడలేకపోయారు. కాసేపటికే కొన్ని కిలోమీటర్ల దూరంలో నటి మృతదేహం ఒడ్డుకు కొట్టుకువచ్చింది.
పోలీసులు మృత దేహాన్ని స్వాధీనం చేసుకున్నారు. కెమిల్లా సముద్రంలోకి కొట్టుకుపోతున్న సీసీటీవీ ఫుటీజే దృశ్యాలు నెట్టింట వైరల్గా మారాయి.
Hình ảnh cuối của nữ du khách tập yoga trên mỏm đá trước khi bị sóng cuốn
— South of Vietnam (@vincent31473580) December 1, 2024
Một nữ du khách Nga 24 tuổi đã bị sóng cuốn xuống biển khi tập yoga trên mỏm đá tại điểm ngắm cảnh Lad Koh, đảo Koh Samui, Thái Lan vào ngày 29-11. pic.twitter.com/7VYbwevCzM