కనీసం నడవలేని స్థితిలో.. వీల్ చైర్‌లో టాలీవుడ్ స్టార్ హీరోయిన్. వైరల్ అవుతున్న వీడియో.

divyaamedia@gmail.com
2 Min Read

ముంబై వెళ్లేందుకు రష్మిక బుధవారం ఉదయం హైదరాబాద్ ఎయిర్ పోర్టుకు చేరుకున్నారు. కారు దిగి తన వ్యక్తిగత సిబ్బంది సాయంతో వీల్ చెయిర్ లో కూర్చున్నారు. కాలుకు పట్టీ ఉండడంతో నడవలేకపోతున్న రష్మికను ఆమె సిబ్బంది వీల్ చెయిర్ లో విమానం వద్దకు తీసుకెళ్లారు. అయితే ఇటీవల జిమ్‌లో వర్కౌట్స్ చేస్తుండగా రష్మిక మందన్న కాలు బెణికింది. అయితే అప్పుడు గాయం చిన్నదేనని అనుకున్నారు. అయితే ఎయిర్ పోర్టులో రష్మిక పరిస్థితి చూస్తుంటే గాయం పెద్దదిగానే, తీవ్రంగానే ఉన్నట్లు సమాచారం.

ఎయిర్ పోర్టులో రష్మిక లేటెస్ట్ విజువల్స్, వీడియోలు ఇప్పుడు సామాజిక మాధ్యమాల్లో తెగ వైరలవుతు్నాయి. వీటిని చూసిన ఫ్యాన్స్‌ షాక్‌ అవుతున్నారు. రష్మిక మందన్న త్వరగా కోలుకోవాలని దేవుడిని ప్రార్థిస్తున్నారు. కాగా గతేడాది పుష్ప 2 సినిమాతో మరో బ్లాక్ బస్టర్ సినిమాను ఖాతాలో వేసుకుంది రష్మిక మందన్నా. అల్లు అర్జున్ హీరోగా నటించిన ఈ సినిమా ఏకంగా రూ.1850 కోట్లకు పైగా వసూళ్లు సాధించి బాహుబలి 2 రికార్డులను బద్దలు కొట్టేసింది.

ఈ మూవీలో శ్రీవల్లిగా రష్మిక నటన అందరినీ ఆకట్టుకుంది. విమర్శకులు సైతం నేషనల్ క్రష్ నటనపై ప్రశంసలు కురిపించారు. రష్మిక మందన్నా ప్రస్తుతం చేతినిండా సినిమాలతో బిజీగా ఉంది. తెలుగులో లేడీ ఓరియెంటెడ్ చిత్రాల్లో నటిస్తున్న రష్మిక.. అటు హిందీలోనూ నాలుగైదు చిత్రాల్లో నటిస్తున్నట్లు తెలుస్తోది. అందులో ఛావా సినిమా ఒకటి. బాలీవుడ్ స్టార్ హీరో విక్కీ కౌశల్ హీరోగా నటిస్తున్న ఈ హిస్టారికల్ మూవీలో రష్మిక సంభాజీ మహారాజ్ భార్య మహారాణి యసుబాయ్ పాత్రలో కనిపించనుంది.

ఇటీవలే ఈ సినిమా నుంచి రష్మిక ఫస్ట్ లుక్ రిలీజ్ కాగా అభిమానుల నుంచి ఊహించని స్పందన వచ్చింది. దీంతో పాటు ధనుష్, కుబేర, సల్మాన్ ఖాన్ సికిందర్ సినిమాల్లో నటిస్తోందీ అందాల తార. అలాగే రెండు లేడీ ఓరియంటెడ్ సినిమాల్లోనూ యాక్ట్ చేస్తోంది.

Share This Article
Leave a comment

Leave a Reply

Your email address will not be published. Required fields are marked *