కొంతమంది హీరోయిన్స్ అవ్వకముందు ఎన్నో కష్టాలను ఎదుర్కొన్నారు. ఎన్నో ఇబ్బందులను, కష్టాలను ఎదుర్కున్న తర్వాత హీరోయిన్ గా అవకాశాలు అందుకొని.. వచ్చిన ఛాన్స్ లను సద్వినియోగం చేసుకున్నవారు ఎంతో మంది ఉన్నారు. అలాగే కొంతమంది మాత్రం సక్సెస్ సాధించలేకపోయారు. వారిలో ఈ బ్యూటీ ఒకరు.
సినిమాల్లోకి రాక ముందు కాల్ సెంటర్ లో పని చేసింది ఈ అమ్మడు. అయితే అచ్చం కత్రినా కైఫ్ లా ఉండే ఈ బ్యూటీ మరెవరో కాదు జరీన్ ఖాన్. జరీన్ ఖాన్, మహారాష్ట్రకు చెందిన సినిమా నటి. ఈ ముద్దుగుమ్మ . హిందీ, తమిళం, తెలుగు, పంజాబీ సినిమాలలో నటించింది ఈ అందాల భామ. 2019లో తెలుగులో వచ్చిన గోపీచంద్ హీరోగా నటించిన చాణక్య సినిమాలో ఏజెంట్ జుబెదా పాత్రను పోషించింది ఈ అమ్మడు.
సల్మాన్ ఖాన్ సహకారంతో జరీన్ ఖాన్ 2010లో వీర్ సినిమాలో యువరాణిగా బాలీవుడ్లోకి అడుగుపెట్టింది. ఆ తర్వాత 2011లో వచ్చిన కామెడీ బ్లాక్బస్టర్ సినిమా రెడీలో ఐటెమ్ సాంగ్ లో స్టెప్పులేసి మెప్పించింది. 2012 రొమాంటిక్ కామెడీ హౌస్ఫుల్ 2లో గ్లామరస్ మోడల్ పాత్రతో గుర్తింపు పొందింది ఈ ముద్దుగుమ్మ. 2013లో నాన్ రాజవగా పొగిరెన్ సినిమాలో ఐటెమ్ సాంగ్ మాల్గోవ్తో తమిళ సినిమారంగంలోకి ప్రవేశించింది.
2014లో జాట్ జేమ్స్ బాండ్ సినిమాలో ప్రముఖ పాత్రలో నటించి, బాలీవుడ్కి తిరిగి ఎంట్రీ ఇచ్చింది. 2015 ఎరోటిక్ థ్రిల్లర్ హేట్ స్టోరీ 3 సినిమాలో నటించింది. 2019లో యాక్షన్ థ్రిల్లర్ చాణక్య సినిమాతో తెలుగు సినిమారంగంలోకి అడుగుపెట్టింది. ఇప్పుడు అవకాశాల కోసం ఎదురుచూస్తుంది ఈ అమ్మడు.