ఈ రోజుల్లో చాలా మంది ఇంటర్నెట్ చౌకగా అందుబాటులో ఉండటంతో సోషల్ మీడియాలో గంటలు గంటలుగా గడుపుతున్నారు. కానీ ఎక్కువ ఫోన్ చూడటం ఆరోగ్యానికి, మానసిక సమతుల్యతకు హానికరం. ఫోన్ స్క్రీన్‌కి ఎంతసేపు ఎక్స్‌పోజర్ హానికరమో మీకు తెలుసా? ఓ కొత్త పరిశోధన షాకింగ్ విషయాలు వెల్లడయ్యాయి. ఫోన్ స్క్రీన్ నుంచి వెలువడే హానికరమైన కిరణాలు మన మెదడుపై చెడు ప్రభావం చూపుతాయి. అయితే 20 ఏళ్ల యువతి అతిగా ఫోన్ వాడటం వల్ల.. ఆమె మెడ 60 ఏళ్ల వృద్దుడిలా మారిపోయింది.
ఆమెకు టెస్టులు చేసిన వైద్యులు.. అతిగా ఫోన్ వాడటం వల్ల ఇది జరిగిందని నిర్ధారణకు వచ్చారు. తనకు తరచూ తలనొప్పి వచ్చేదని.. మెడ రాయిలా మారిపోవడమే కాదు.. వలిపోయిందని డాక్టర్‌కు చెప్పుకొచ్చింది. హుటాహుటిన డాక్టర్లు CT స్కాన్ తీయగా.. అందులో షాకింగ్ విషయం వెల్లడైంది. ఆమె గర్భాశయ వెన్నుముక తన సహజ ఆకృతిని కోల్పోగా.. కొన్ని ప్రాంతాల్లో వెన్నుపూస జారిపోయిన సంకేతాలు కూడా డాక్టర్లు గుర్తించారు. ‘టెక్స్ట్ నెక్’ అని పిలిచే ఆమె పరిస్థితి.. అకాల గర్భాశయ క్షీణతకు ముందస్తు హెచ్చరిక అని తెలిపారు.
తైవాన్‌ డాక్టర్ ఈమేరకు మాట్లాడుతూ.. ఆమె పరిస్థితి.. ఇప్పుడున్న యువత ఎదుర్కుటోందని చెప్పుకొచ్చారు. ‘ప్రతిరోజూ గంటల తరబడి ఫోన్లు చూస్తూ, షోలు చూస్తూ, ఆటలు ఆడుతూ గడిపారు. కానీ వారి శరీరాలు నొప్పితో కేకలు వేసే వరకు, సమస్య తీవ్రతను గుర్తించలేకపోయారు.’ అని అన్నారు. మెడను 60 డిగ్రీలు వంచడం సాధారణ స్మార్ట్‌ఫోన్ భంగిమ.. ఇది గర్భాశయ వెన్నెముకపై దాదాపు 27 కిలోల భారాన్ని మోపుతుందని డాక్టర్ యే వివరించారు.ఇది ఒక భారీ బౌలింగ్ బంతిని లేదా ఎనిమిదేళ్ల పిల్లవాడిని మీ మెడపై ఎక్కువసేపు వేలాడదీయడం లాంటిది అని అన్నారు.
‘కాలక్రమేణా, మెడ కండరాలు, స్నాయువులు తట్టుకోలేవు. డిస్క్‌లు క్రమంగా కుదించబడతాయి. మొత్తం గర్భాశయ నిర్మాణం ఆకృతిని కోల్పోతుంది’. టెక్స్ట్ నెక్ వల్ల కలిగే తప్పుగా అమర్చబడిన గర్భాశయ వెన్నుపూస మెదడుకు రక్త ప్రసరణను కూడా ప్రభావితం చేస్తుంది. దీర్ఘకాలిక తలనొప్పి, తలతిరుగుడును ప్రేరేపిస్తుంది. ఫోన్ చూసేటప్పుడు మీ స్క్రీన్‌ను కాస్తా ఎత్తుగా పట్టుకోండి. మీ తలను, మీ చేతులను కదిలించండి. టైమర్ సెట్ చేసుకుని.. ప్రతి 30 నిమిషాలకు, కిందికి చూస్తూ, ఐదు నిమిషాలు విరామం తీసుకోండి. లేచి నిలబడి, దూరంగా చూడండి.. మీ భుజాలకు ఎక్సర్‌సైజ్ ఇవ్వండని డాక్టర్లు పేర్కొన్నారు.