వనిత విజయ్ కుమార్ తెలుగు చలనచిత్ర రంగంలో ఒక ప్రసిద్ధ నటి మాత్రమే కాకుండా, ఒక వ్యాపారవేత్త, నిర్మాత, టీవీ వ్యాఖ్యాత, మరియు యూట్యూబర్ కూడా. ఆమె తన తండ్రి విజయ్ కుమార్ వారసురాలిగా చలనచిత్ర రంగంలోకి ప్రవేశించి, తనదైన ముద్ర వేసింది.ఆమె తన సినీ జీవితాన్ని తమిళ చిత్రం ‘చంద్రలేఖ’తో ప్రారంభించి, తరువాత తెలుగు ,మలయాళ చిత్రాల్లో నటించింది.
అయితే ముఖ్యంగా ఈ ముద్దుగుమ్మ పెళ్లిళ్ల వ్యవహారం సినిమా ఇండస్ట్రీలో ఎప్పుడూ చర్చనీయాంశమే. ఈ భామ ఇప్పటికీ మూడు పెళ్లిళ్లు చేసుకుంది. ముగ్గురికి సైతం విడాకులు ఇచ్చింది. ఈ క్రమంలో ఈ అందాల తార నాలుగో పెళ్లి కూడా చేసుకున్నట్లు సోషల్ మీడియాలో ఓ వీడియో చక్కర్లు కొడుతోంది. ఇందులో ఆమె పెళ్లి కూతురిగా ముస్తాబవ్వడం, వరుడు నటి మెడలో తాళి కట్టడం, ఇద్దరూ కలిసి ఏడడుగులు నడవడం, ఇదే సందర్భంలో హీరోయిన్ కాస్త ఎమోషనల్ అవ్వడం ఇందులో చూడొచ్చు.
చాలా మంది మొదట ఈ వీడియోను చూసి టాలీవుడ్ నటి నాలుగో పెళ్లి చేసుకుందని విషెస్, కామెంట్స్ పెట్టారు. అయితే వీడియోకు ఇచ్చిన క్యాప్షన్ లో ఇది అసలు పెళ్లి కాదని తెలిసింది. కోలీవుడ్ ప్రముఖ నటి వనితా విజయ్ కుమార్ గురించి ప్రత్యేక పరిచయం అక్కర్లేదు. దేవి సినిమాతో హీరోయిన్ గా మెప్పించిన ఈ అందాల తార ఇప్పటివరకు మూడు పెళ్లిళ్లు చేసుకుంది. కానీ ఎవరితోనూ కలిసుండలేక ముగ్గురికి విడాకులు ఇచ్చేసింది.
ప్రస్తుతం సినిమాల్లో బిజీగా ఉంటోన్న ఆమె ‘మిసెస్ & మిస్టర్’ సినిమాలో నటిస్తోంది. ఇందులో ప్రముఖ కొరియోగ్రాఫర్ రాబర్ట్‌ కూడా ఓ కీలక పాత్ర పోషిస్తున్నాడు. ఈ చిత్రానికి స్వయంగా వనితనే దర్శకత్వం వహిస్తుండగా.. నటి కూతురు జోవికా నిర్మాతగా వ్యవహరిస్తుండడం మరో విశేషం. సినిమా ప్ డేట్ లో భాగంగా శుభ ముహూర్తం అనే సాంగ్ ను రిలీజ్ చేశారు. ఇందులో భాగంగానే వీరు రీల్ మ్యారేజ్ చేసుకున్నారు.