యూరిన్ రంగు మనం తాగే నీరు బట్టి కూడా మారవచ్చు. కొన్నిసార్లు మనం తీసుకునే ఆహారాలు, వేసుకునే మందుల వల్ల కూడా మూత్రం రంగు మారుతుంది. కానీ.. నార్మల్ టైమ్లో కూడా మీ మూత్రం మరొక రంగులోకి మారితే.. అప్రమత్తం కావాల్సిందే అంటున్నారు ఆరోగ్యనిపుణులు. అయితే మూత్రం రంగు మన ఆరోగ్య పరిస్థితికి అద్దం పడుతుంది. సాధారణంగా, మనం తాగే నీటి మోతాదుతో పాటు తీసుకునే ఆహారం, మందుల ప్రభావంతో కూడా యూరిన్ రంగు మారవచ్చు.
కానీ ఎప్పటికప్పుడు మూత్రం రంగు మారుతుంటే దాన్ని నిర్లక్ష్యం చేయకూడదని వైద్య నిపుణులు హెచ్చరిస్తున్నారు. ఎటువంటి రంగు లేకుండా నీటి లాగా మూత్రం వస్తుంటే అది నీరు అధికంగా తాగుతున్న సూచన. అప్పుడప్పుడు అయితే పరవాలేదు కానీ ఎప్పుడూ అలాగే ఉంటే నీటి మోతాదును తగ్గించడం మంచిది. ఎందుకంటే ఇలా నిరంతరం అధికంగా నీరు తాగడం వల్ల ఎలక్ట్రోలైట్ అసమతుల్యత తలెత్తే ప్రమాదం ఉంటుంది.
ఎరుపు లేదా గులాబీ రంగులో యూరిన్ కనిపిస్తే, ఒకవేళ బీట్‌రూట్ లేదా బ్లూబెర్రీస్ తిన్న కారణంగా అవుతుందేమో చూసుకోవాలి. కానీ అలాంటి ఆహారం తీసుకోకపోయినా యూరిన్ ఆ రంగులో వస్తుంటే ఇది యూరినరీ ట్రాక్ట్ ఇన్ఫెక్షన్, కిడ్నీ స్టోన్స్ లేదా ప్రొస్టేట్ సమస్యల వల్ల కావచ్చు. మరింతగా, ఇది కిడ్నీ వ్యాధులు లేదా క్యాన్సర్‌కు కూడా సంకేతం కావచ్చు. నారింజ రంగు మూత్రం డీహైడ్రేషన్‌కు సూచన. ద్రవాలు తగ్గిపోవడం వల్ల, లేదా కొన్ని కాలేయ సంబంధిత సమస్యల వల్ల కూడా ఈ రంగు ఏర్పడుతుంది.
ముఖ్యంగా పెద్దవారిలో కామెర్లు వచ్చినప్పుడు కూడా ఇదే రంగు యూరిన్ కనిపించవచ్చు. ముదురు గోధుమ లేదా కఫంలా ఉన్న మూత్రం తీవ్రమైన సమస్యకు సంకేతం కావచ్చు. ఇది గాడిన డీహైడ్రేషన్, కాలేయం పనితీరులో లోపం, లేదా కిడ్నీ సంబంధిత క్యాన్సర్‌ల లక్షణంగా గుర్తించవచ్చు. క్లౌడీగా కనిపించే మూత్రం సాధారణ విషయమేనని అనుకోవద్దు. ఇది మూత్రాశయ ఇన్ఫెక్షన్ లేదా ఇతర తీవ్రమైన ఇన్ఫెక్షన్లకు సంకేతంగా ఉంటుంది.
అలాంటి సందర్భాల్లో వెంటనే వైద్యుడిని సంప్రదించడం అవసరం. సాధారణంగా మూత్రం రంగులో తేడాలు కనిపించినప్పుడు, అవి పునరావృతం అయితే నిర్లక్ష్యం చేయకుండా డాక్టర్‌ను సంప్రదించడం ఆరోగ్యానికి మంచిదని నిపుణులు సూచిస్తున్నారు.