కెరీర్ స్టార్టింగ్లో షార్ట్ ఫిల్మ్స్ ఫేమస్ అయిన ఈ చిన్నది అనతి కాలంలోనే అక్కడ పాపులారిటీ సంపాదించుకున్నది. తన నటనతో ప్రేక్షకులను ఫిదా చేసింది. దీంతో సినిమాల్లో నటించే చాన్స్ వచ్చింది. అయితే సినిమాలు, టీవీ షోలతో పాటు తన రిలేషన్ షిప్ తోనూ వార్తల్లో నిలిచిందీ ఈ సొగసరి. కెరీర్ ప్రారంభంలో తన బాయ్ ఫ్రెండ్ తో నే కలిసి వీడియోలు చేసిందీ ముద్దుగుమ్మ. ఆ మధ్యన తన ప్రియుడితో కలిసి ఓ సినిమాలోనూ నటించింది.
ఈ బ్యూటీకి కాస్త ఆధ్యాత్మిక చింతన ఎక్కువే. ఆ మధ్యన అరుణాచలేశ్వరుడిని దర్శించకుని ప్రత్యేక పూజలు చేసింది. ఆ ఫొటోలు నెట్టింట బాగా వైరలయ్యాయి. ఇప్పుడు సడెన్ గా కాశీలో ప్రత్యక్షమై అందరినీ ఆశ్చర్యపరిచింది. పూర్తిగా భక్తి భావనలో లీనమైపోయిన ఆమె కాశీ విశ్వేశ్వరుడికి ప్రత్యేక పూజలు నిర్వహించింది. ఈ సందర్భంగా ట్రెడిషనల్ శారీ, మెడలో మాలతో కనిపించి ఫ్యాన్స్ కు సర్ ప్రైజ్ ఇచ్చింది.
ప్రస్తుతం ఇందుకు సంబంధించిన ఫొటోలు, వీడియోలు నెట్టింట బాగా వైరలవుతున్నాయి.మరి ఈ ముద్దుగుమ్మ ఎవరో గుర్తు పట్టారా? తను మరెవరో కాదు విరూపాక్ష ఫేమ్ సోనియా సింగ్.2023లో సాయి ధరమ్ తేజ్ నటించిన ‘విరూపాక్ష’ తో టాలీవుడ్ లోకి అడుగు పెట్టింది సోనియా. ఆ తర్వాత నితిన్, శ్రీలీల ఎక్స్‌ట్రార్డినరి మ్యాన్ లో ఓ లేడీ కానిస్టేబుల్ గా నవ్వులు పంచింది.
అలాగే తన బాయ్ ఫ్రెండ్ పవన్ సిద్దూతో కలిసి శశి మథనం అనే ఓటీటీ సినిమాతోనూ ఆడియెన్స్ ను మెప్పించింది. సోషల్ మీడియాలో యాక్టివ్ గా ఉండే ఆమె లేటెస్ట్ గా కొన్ని ఫొటోలను షేర్ చేసింది. అందులో ఆమె ట్రెడిషినల్ వైట్ శారీ, మెడలో మాలతో కనిపించి సర్ ప్రైజ్ ఇచ్చింది. ప్రస్తుతం ఆమె కాశీలో ఉంది.