ఈ బ్యూటీ అనేక చిత్రాల్లో నటించి.. ఎంతో మంది హృదయాల్లో చోటు దక్కించుకుంది. తన నటన, అందం, అభినయం, డ్యాన్స్ తో తెలుగు ప్రేక్షకులందరినీ ఆకట్టుకుంది. ఇప్పటికీ ఈ బ్యూటీ సినిమాల్లో, వెబ్ సిరీస్‌ల్లో నటిస్తూ తనదైన సత్తా చాటుతుంది. అయితే ఈ ముద్దుగుమ్మ చివరిగా శివ నిర్వాణ దర్శకత్వంలో ఖుషి సినిమాలో నటించింది. ఈ చిత్రంలో నటుడు విజయ్ దేవరకొండకు జోడీగా నటించింది ఈ అమ్మడు.. ఈ చిత్రం తెలుగులోనే కాకుండా తమిళం, మలయాళం, కన్నడ వంటి భాషల్లో కూడా విడుదలై ప్రేక్షకులను ఆకట్టుకుంది.
ఆ సినిమా తర్వాత నటి సమంత అనారోగ్య సమస్యలతో సినిమాల్లో సినిమాలకు దూరం అయ్యింది. గత సంవత్సరం 2024లో సమంత ఒక్క సినిమాలో మాత్రమే కనిపించింది. సమంత ఆరోగ్య పరిస్థితి దృష్ట్యా జనాలు, అభిమానులు కూడా సమంతకు మద్దతు తెలిపారు. తాజాగా నటి సమంత విడుదల చేసిన వీడియో నెట్టింట వైరల్ అవుతోంది. ఈ వీడియోలో నటి సమంత జిమ్‌లో వర్కవుట్ చేస్తూ కనిపించింది. ఈ ఇంగ్లిష్ న్యూ ఇయర్ పూర్తయ్యింది. ఇక ఇప్పుడు ఈ ఏడాది వర్కవుట్స్ చేయడానికి నిర్ణయించుకున్నట్టు కూడా వీడియోలో తెలిపింది సామ్.
ఈ వీడియో ఇప్పుడు సోషల్ మీడియాలో తెగ చక్కర్లు కొడుతుంది. నటి సమంతకు మద్దతుగా అభిమానులు ఈ పోస్ట్ కు కామెంట్స్ చేస్తున్నారు. నటి సమంత నటించిన హనీ పన్నీ 2024లో మాత్రమే విడుదలైంది. ఇందులో వరుణ్ ధావన్‌తో కలిసి నటించింది. విడాకుల తర్వాత తను నటించే సినిమాలకు మంచి కథలను ఎంపిక చేసుకుంటూ వస్తుంది సామ్. ఇప్పుడు ఈ చిన్నది వ్యాపారంలోకి అడుగుపెట్టింది. ప్రస్తుతం సమంత తెలుగు, తమిళ్ భాషల్లో సినిమాలు అనౌన్స్ చేసింది. త్వరలోనే ఆయా సినిమాల షూటింగ్స్ లో సామ్ జాయిన్ అవ్వనుంది.