కొన్నిరోజులు క్రితం సల్మాన్ కు మంచి స్నేహితుడు, బాబా సిద్దీఖీని బిష్ణోయ్ గ్యాంగ్ అత్యంత క్రూరంగా హతమార్చారు. అంతే కాకుండా.. ఆ తర్వాత సల్మాన్ ను కూడా చంపేస్తామంటూ వార్నింగ్ ఇచ్చారు. దీంతో పోలీసులు సల్మాన్ ఇంటి దగ్గర గట్టి బందో బస్తు సైతం ఏర్పాటు చేశారు. అయితే హిందీ చిత్రసీమలో సల్మాన్ ఖాన్‌కు మంచి డిమాండ్‌ ఉంది. ఆయన బాలీవడ్ లో సూపర్ స్టార్ గా వెలుగొందుతున్నాడు.
ఓ వైపు సినిమాలు చేస్తూనే, మరోవైపు బిగ్ బాస్ వంటి ప్రముఖ టీవీషోల్లోనూ మెరుస్తున్నాడు. ఈ కారణంగానే సల్మాన్ కు పెద్ద ఎత్తున అభిమానులు ఉన్నారు. అయితే ఇటీవల తన సన్నిహితుడు బాబా సిద్ధిఖీ హత్యతో సల్మాన్ ఖాన్ బాగా కలత చెందాడు. లారెన్స్ బిష్ణోయ్ గ్యాంగ్ బాబాను హత్య చేసినట్లు అధికారికంగా ప్రకటించుకుంది. కాగా సల్మాన్ ఖాన్ చేతికి ఎప్పుడూ బ్రాస్లెట్ ఉంటుంది.
తన జీవితంలో జరిగిన కొన్ని సంఘటనల కారణంగానే ఆయన దానిని ధరిస్తున్నట్లు సన్నిహితులు చెబుతున్నారు. ఈ బ్రాస్లెట్ ధరించడం వల్ల ప్రతికూల అంశాలు తొలగిపోతాయని సల్మాన్ నమ్ముతున్నాడట. ఈ బ్లూ కలర్ స్టోన్ బ్రాస్లెట్ ధరించడం వెనుక రహస్యాన్ని సల్మాన్ ఖాన్ ఒక సందర్భంలో బయటపెట్టాడు ‘మా నాన్న ఎప్పుడూ ఇలాంటి బ్రాస్‌లెట్‌ను ధరించేవారు.
అందుకే నేను కూడా ధరిస్తున్నాను’ అని చెప్పుకొచ్చాడు సల్లూ భాయ్. సల్మాన్ ఖాన్ చాలా ఏళ్లుగా తన కుడి చేతికి బ్రాస్‌లెట్‌ను ధరించాడు. ఈ రత్నాన్ని ఫిరూజా అని పిలుస్తారు. దీనిని ధరించడం అదృష్టమని, కష్టాల తొలగిపోతాయని సల్మాన్ నమ్ముతున్నాడట.