Pushpa 2 | అల్లు అర్జున్-సుకుమార్ కాంబోలో వచ్చిన పుష్ప చిత్రం ఎంతటి ఘన విజయం సాధించిందో ప్రత్యేకంగా చెప్పనక్కర్లేదు. ఇప్పుడు పుష్ప-2 మూవీ.. పార్ట్ 1ను మించి ఉంటుందని చిత్రయూనిట్ చెబుతోంది.ఇప్పుడు అల్లు అర్జున్ హీరోగా, రష్మిక మందన్నా హీరోయిన్‌గా న‌టిస్తున్న పాన్ ఇండియా మోస్ట్ అవైటెడ్ మూవీ పుష్ప 2 నుంచి మ‌రికొన్ని గంట‌ల్లో ట్రైలర్ విడుదల కానుంది.
ఎప్పుడెప్పుడా అని అటు అభిమానుల‌తో పాటు ఇటు మూవీ ల‌వ‌ర్స్ ట్రైలర్ కోసం ఎదురుచూస్తున్న విష‌యం తెలిసిందే. ఇక ఇన్ని రోజులు ఉత్కంఠగా ఎదురుచూసిన స‌మ‌యం రానే వ‌చ్చింది. ఈరోజు సాయంత్రం 6.03 గంటలకు బీహార్‌ రాజధాని పాట్నాలోని గాంధీ మైదాన్‌లో ట్రైలర్‌ను మేకర్లు విడుదల చేయనున్నారు. ఈ సినిమాలో ఫహద్ ఫాజిల్, సునీల్, అనసూయ తదితరులు ఇతర ముఖ్య పాత్రల్లో నటిస్తున్నారు. దేవిశ్రీ ప్రసాద్ సంగీతం అందిస్తున్న ఈ సినిమాను మైత్రీ మూవీ మేకర్స్ ప్రొడ్యూస్ చేస్తున్నారు.