పెట్టుబడులు, పొదుపునకు సంబంధించి చాలా రూల్స్ మారుతుంటాయి. వీటిని ఆర్థికపర విషయాలుగా చెప్పొచ్చు. కొన్నింటితో జేబుకు చిల్లు కూడా పడొచ్చు. అందుకే.. ముందుగా ఈ విషయాల్ని తెలుసుకోవాల్సిన అవసరం ఉంటుంది. ఇప్పుడు అక్టోబర్ 1 నుంచి చాలా మార్పులు వస్తున్నాయి. ఇందులో పంజాబ్ నేషనల్ బ్యాంకుకు సంబంధించి సేవింగ్స్ అకౌంట్ ఛార్జీలు, ఐసీఐసీఐ డెబిట్ కార్డు ఛార్జీలు సహా హెచ్‌డీఎఫ్‌సీ బ్యాంక్ క్రెడిట్ కార్డులకు కొత్త నిబంధనలు అమల్లోకి వస్తున్నాయి. అయితే సెప్టెంబర్ నెల ముగియబోతోంది. అక్టోబర్ నెల ప్రారంభం కానుంది. అక్టోబర్ 1 నుండి, దేశంలో చాలా పెద్ద మార్పులు జరగనున్నాయి. ఇవి మీ జేబుపై నేరుగా ప్రభావితం చేయనున్నాయి. వీటిలో ఎల్‌పిజి సిలిండర్ ధర నుండి క్రెడిట్ కార్డ్‌లు, సుకన్య సమృద్ధి, పిపిఎఫ్ ఖాతాల నియమాలలో మార్పుల వరకు అన్నీ ఉన్నాయి.
ఎల్‌పీజీ ధరలు: చమురు మార్కెటింగ్ కంపెనీలు ప్రతి నెల మొదటి తేదీన ఎల్‌పీజీ సిలిండర్ ధరలను మారుస్తాయి. అలాగే సవరించిన ధరలను అక్టోబర్ 1, 2024 ఉదయం 6 గంటల నుండి జారీ చేయవచ్చు. ఈ మధ్య కాలంలో 19 కేజీల కమర్షియల్ గ్యాస్ సిలిండర్ల ధరల్లో అనేక మార్పులు కనిపిస్తున్నా.. 14 కేజీల డొమెస్టిక్ గ్యాస్ సిలిండర్ ధరల్లో మాత్రం ఎలాంటి మార్పు ఉండటం లేదు. మరి అక్టోబర్ 1న ఎలాంటి మార్పులు ఉంటాయో చూడాలి. ఏటీఎఫ్, సీఎన్‌జీ, పీఎన్‌జీ ధరలు: దేశవ్యాప్తంగా నెల మొదటి తేదీన ఎల్‌పీజీ సిలిండర్ ధరలలో మార్పుతో పాటు, చమురు మార్కెటింగ్ కంపెనీలు కూడా ఎయిర్ టర్బైన్ ఇంధనం (ATF), సీఎన్‌జీ-పీఎన్‌జీ ధరలను కూడా సవరిస్తుంది. వాటి కొత్త ధరలను కూడా అక్టోబర్ 1, 2024న వెల్లడించవచ్చు. ముందుగా సెప్టెంబర్ నెలలో ఏటీఎఫ్ ధరలను తగ్గించడం గమనార్హం.
హెచ్‌డీఎఫ్‌సీ క్రెడిట్ కార్డు: హెచ్‌డీఎఫ్‌సీ బ్యాంక్‌కి సంబంధించినది. మీరు కూడా హెచ్‌డీఎప్‌సీ బ్యాంక్ కస్టమర్ అయితే, కొన్ని క్రెడిట్ కార్డ్‌ల కోసం లాయల్టీ ప్రోగ్రామ్ మార్చబడింది. కొత్త నియమాలు అక్టోబర్ 1, 2024 నుండి వర్తిస్తాయి. తదనుగుణంగా హెచ్‌డీఎఫ్‌సీ బ్యాంక్ SmartBuy ప్లాట్‌ఫారమ్‌లో యాపిల్‌ ఉత్పత్తులకు రివార్డ్ పాయింట్‌ల రిడీమ్‌ను క్యాలెండర్ త్రైమాసికంలో ఒక ఉత్పత్తికి పరిమితం చేసింది. సుకన్య సమృద్ధి యోజన రూల్ మార్పు: ముఖ్యంగా కుమార్తెల కోసం కేంద్ర ప్రభుత్వం అమలు చేస్తున్న సుకన్య సమృద్ధి యోజన పథకానికి సంబంధించి ఒక పెద్ద మార్పు చేసింది.
ఈ మార్పు కూడా అక్టోబర్ 1, 2024 నుండి అమలు కానుంది. దీని ప్రకారం, కుమార్తెల చట్టబద్ధమైన సంరక్షకులు మాత్రమే మొదటి తేదీ నుండి ఈ ఖాతాలను నిర్వహిస్తారు. కొత్త నిబంధన ప్రకారం, ఒక కుమార్తె సుకన్య సమృద్ది ఖాతాను ఆమెకు చట్టబద్ధమైన సంరక్షకుడు కాని వ్యక్తి తెరిచినట్లయితే, ఆమె ఈ ఖాతాను సహజ తల్లిదండ్రులు లేదా చట్టపరమైన సంరక్షకుడికి బదిలీ చేయాలి. అలా చేయని పక్షంలో ఆ ఖాతాను మూసివేయవచ్చు. పీపీఎఫ్: పోస్ట్ ఆఫీస్ చిన్న పొదుపు పథకాల క్రింద నిర్వహించే పబ్లిక్ ప్రావిడెంట్ ఫండ్ (PPF) పథకంలో మూడు ప్రధాన మార్పులు జరగనున్నాయి.
ఈ మార్పు 1 అక్టోబర్ 2024 నుండి అమలులోకి వస్తుంది. ఆగస్ట్ 21, 2024న, కేంద్ర ఆర్థిక మంత్రిత్వ శాఖ ఆధ్వర్యంలోని ఆర్థిక వ్యవహారాల విభాగం కొత్త నిబంధనలకు సంబంధించి మార్గదర్శకాలను జారీ చేసింది. ఇది కాకుండా, వ్యక్తి (మైనర్) ఖాతాను తెరవడానికి అర్హత పొందే వరకు అటువంటి సక్రమంగా లేని ఖాతాలపై పోస్ట్ ఆఫీస్ సేవింగ్స్ ఖాతా (POSA) వడ్డీ చెల్లించబడుతుంది. అంటే వ్యక్తికి 18 ఏళ్లు వచ్చే వరకు పీపీఎఫ్ వడ్డీ రేటు చెల్లిస్తారు. మైనర్ పెద్దవాడైన తేదీ నుండి మెచ్యూరిటీ వ్యవధి లెక్కిస్తారు. అంటే, వ్యక్తి ఖాతా తెరవడానికి అర్హత పొందిన తేదీ అని అర్థం.