అత్యధిక క్రేజ్ ఉన్న హీరోయిన్లలో నోరా ఫతేహి ఒకరు. నటిగా సినీరంగంలోకి అడుగుపెట్టిన తొలినాళ్లల్లో ఎన్నో కష్టాలు ఎదుర్కోంది. తినడానికి తిండి లేకుండా.. అవకాశాల పేరుతో వచ్చే వేధింపులను సైతం భరించినట్లు ఇదివరకు చాలా ఇంటర్వ్యూలలో వెల్లడించింది. అలాగే తన గ్లోయింగ్ సీక్రెట్స్ సైతం రివీల్ చేసింది. అయితే ప్రముఖ డ్యాన్సర్, నటి నోరా ఫతేహి తన అందం, కాంతివంతమైన చర్మం వెనుక ఉన్న రహస్యాన్ని సరదాగా వెల్లడించారు.
గతంలో ఆమె కపిల్ శర్మ షోలో పాల్గొన్నప్పటి వీడియో ఒకటి ప్రస్తుతం సోషల్ మీడియాలో మళ్లీ వైరల్ అవుతోంది. ఆ వీడియోలో కపిల్ శర్మ, “నోరా, మీ స్కిన్ ఇంత గ్లోగా ఉండటానికి ఏం తింటారు? మీ రొటీన్ ఏంటి?” అని ప్రశ్నించారు. దీనికి నోరా నవ్వుతూ, “నాదొక మంచి రొటీన్ ఉంది. నేను పాస్తా, అన్నం, పప్పు, రోటీ, ఉడికించిన బంగాళాదుంపలు తింటాను.
నాకు కారు లేదు, ఆటో రిక్షాలోనే ప్రయాణిస్తాను” అని చమత్కరించారు. తన అద్భుతమైన డ్యాన్స్ నైపుణ్యాలతో నోరా ఫతేహి భారత చిత్ర పరిశ్రమలో ప్రత్యేక స్థానం సంపాదించుకున్నారు. ముఖ్యంగా బాలీవుడ్లో స్పెషల్ సాంగ్స్తో ఆమెకు దేశవ్యాప్తంగా గుర్తింపు లభించింది.
కేవలం డ్యాన్సర్గానే కాకుండా ‘బాట్లా హౌస్’, ‘స్ట్రీట్ డ్యాన్సర్ 3D’, ‘మడ్గావ్ ఎక్స్ప్రెస్’ వంటి చిత్రాలతో నటిగానూ తనను తాను నిరూపించుకున్నారు. పలు డ్యాన్స్ రియాలిటీ షోలకు జడ్జిగా కూడా వ్యవహరించారు.