వాస్తు శాస్త్రం ప్రకారం, ఇంటి ప్రధాన ప్రవేశద్వారం దగ్గర నెమలి రెక్కలు ఉంచితే అది ఇంటికి రక్షణ కవచంలా పనిచేస్తుంది. ఇది ఇంట్లోకి ప్రతికూల శక్తులు ప్రవేశించకుండా నిరోధిస్తుంది. అంతేకాకుండా, నెమలి విగ్రహం లేదా నెమలి చిత్రం ఉంచడం శుభప్రదంగా భావిస్తారు. ఇది ఇంటికి సానుకూల శక్తిని తీసుకువచ్చి సుఖ సమృద్ధులను పెంచుతుంది. అయితే నెమలి ఈకలకు మతపరమైనదిగానే కాకుండా జ్యోతిషశాస్త్రపరమైన గొప్ప ప్రాముఖ్యత ఉంది. వాస్తు శాస్త్రం ప్రకారం, ఇంట్లో నెమలి ఈకలను ఉంచడం శుభప్రదంగా భావిస్తారు.
అయితే, ఎప్పుడూ విరిగిన నెమలి ఈకలను ఉపయోగించకూడదని నిపుణులు సూచిస్తున్నారు. పురాణాల ప్రకారం, కొన్ని పవిత్ర వస్తువులు దేవతలకు ప్రీతికరమైనవి, వాటిలో నెమలి ఈకకు ప్రత్యేక స్థానం ఉంది. శ్రీకృష్ణుడు నెమలి ఈకను ఎంతో ముద్దుగా భావించేవాడు. అందుకే ఇంట్లో నెమలి ఈకలను ఉంచడం వల్ల శుభ ఫలితాలు కలుగుతాయని నమ్మకం. ఇంట్లోని వాస్తు దోషాలను తొలగించడానికి నెమలి ఈకలు ఉపయోగకరంగా ఉంటాయని చెబుతారు.
ముఖ్యంగా వైవాహిక జీవితం సాఫీగా సాగడానికి పూజా గదిలో రెండు నెమలి ఈకలను ఉంచడం ప్రయోజనకరమని నమ్ముతారు. అలాగే, ఇంటి ప్రధాన ద్వారం తూర్పు, ఉత్తరం లేదా ఈశాన్యం దిశలో లేకుంటే, తలుపుపై గణేశుడి విగ్రహంతో పాటు మూడు నెమలి ఈకలను ఉంచడం వాస్తు దోషాన్ని తగ్గించగలదు. ఆర్థిక స్థిరత కోసం, శుక్ల పక్షంలో ఇంటి ఆగ్నేయ మూలలో కనీసం 5 అడుగుల ఎత్తులో రెండు నెమలి ఈకలను ఉంచడం ద్వారా డబ్బు సంబంధిత సమస్యలు తగ్గుతాయని విశ్వాసం.
కుటుంబ సభ్యుల మధ్య అనురాగం పెరగాలంటే, డ్రాయింగ్ రూమ్ లేదా డైనింగ్ హాల్‌లో 11 లేదా 15 నెమలి ఈకలను ఉంచడం మంచిదని చెబుతారు. నెమలి ఈకలు ఇంట్లో పరిశుభ్రతను కాపాడటంలో కూడా సహాయపడతాయి, ఇవి ఉంచిన ప్రదేశంలో కీటకాలు చేరవు. అంతేకాకుండా, ఇంట్లోని ప్రతికూల శక్తిని తొలగించి, మంచి ఉల్లాసాన్ని కలిగిస్తాయని నిపుణులు అంటున్నారు. సరైన పద్ధతిలో నెమలి ఈకలను ఉంచడం ద్వారా ఇంట్లో శుభం, సంపద, ఆరోగ్యం, సంతోషం పెరుగుతాయని వాస్తు నిపుణులు సూచిస్తున్నారు.