నీరజ్ చోప్రా తన ట్రైనింగ్ సమయంలో చేతులు, మోచేతులపై ఎక్కువ ఫోకస్ పెడతాడు. వాటిని బలంగా ఉంచుకునేందుకు ప్రత్యేక శ్రద్ధ తీసుకుంటాడు. భుజాలు, మోచేతులు, చేయి కండరాలను ఫిట్ గా ఉంచే కేబుల్ ఫుల్ వ్యాయామాలు చేస్తాడు. తన భుజాలను మరింత ఫిట్ గా ఉంచుకునేందుకు డంబెల్స్, సైడ్ లిఫ్ట్స్ ప్రాక్టిస్ చేస్తాడు. అంతేకాదు కోర్ స్విస్ బాల్ క్రంచెస్, హామ్ స్ట్రింగ్స్ పై దృష్టి సారించే లెగ్ లిఫ్ట్‌లు చోప్రా స్ప్రింటింగ్ స్పీడ్ ను మెరుగుపరచడంలో సహాయపడతాయి. అయితే ఒలింపిక్స్‌లో లేదా ఏదైనా ప్రధాన క్రీడా ఈవెంట్‌లో పతకం గెలవడం అనేది ఒక భారీ విజయం. ఈ మైలురాయిని చేరుకోవడానికి అపారమైన అంకితభావం, స్థిరత్వం అవసరం.
కఠినమైన శిక్షణా సెషన్‌లతో పాటు, ఈ టోర్నమెంట్‌లకు ప్రిపేర్ అయ్యే అథ్లెట్లు ఖచ్చితమైన ఆహారాన్ని అనుసరించాలి . జావెలిన్ త్రోయర్లకు ముఖ్యంగా ఆహార క్రమశిక్షణ ముఖ్యం. ఇది సహజంగా వారు రుచికరమైన ఆహార పదార్థాలకు దూరంగా ఉండాలి. చోప్రా ఒకప్పుడు భోజన ప్రియుడు. అయితే ఇప్పుడు ఫిట్నెస్ ను దృష్టిలో పెట్టుకుని ఆహరం తినే విషయంలో ఎన్నో జాగ్రత్తలు తీసుకుంటున్నాడు. నీరజ్ చోప్రా డైట్: ఒలింపిక్ గోల్డ్ మెడలిస్ట్ ఒక రోజులో ఏమి తింటాడంటే..నీరజ్ చోప్రా 10 శాతం శరీరంలో కొవ్వు శాతాన్ని కావల్సినంత మాత్రమే ఉండేలా చూసుకుంటాడు. కొవ్వు శాతాన్ని నిర్వహించడం అనేది చాలా కఠినమైన లక్ష్యం.
దీనిని సాధించడానికి, చోప్రా పండ్లు, ప్రొటీన్లు అధికంగా ఉండే ఆహారాన్ని తీసుకుంటాడు. నీరజ్ చోప్రా రోజును జ్యూస్ లేదా కొబ్బరి నీళ్లతో ప్రారంభిస్తాడు. తర్వాత మూడు నుండి నాలుగు గుడ్డులోని తెల్లసొన, రెండు బ్రెడ్ ముక్కలు, ఒక గిన్నె మొలకలు, పండ్లతో కూడిన ఆరోగ్యకరమైన అల్పాహారం ఉంటుంది. మధ్యాహ్న భోజనం కోసం సాధారణంగా పెరుగు, అన్నంతో పాటు పప్పులు, కాల్చిన చికెన్, సలాడ్‌లను తీసుకుంటాడు. డిన్నర్ గా తేలికైన భోజనం తీసుకుంటాడు. అంటే సాధారణంగా సూప్, ఉడికించిన కూరగాయలు, పండ్లను రాత్రి తీసుకుంటాడు. భోజన సమయం మధ్యలో డ్రై ఫ్రూట్స్‌తో చిరుతిండి, తాజా జ్యూస్ ను తాగుతాడు. 2016 వరకు చోప్రా శాఖాహార ఆహారం మాత్రమే తినేవాడు.
ఆ తర్వాత అతను తన భోజనంలో మాంసాహారాన్ని చేర్చుకున్నాడు. “డైట్‌లో సాల్మన్‌ చెప్పాను చేర్చుకున్నట్లు ఒకసారి నీరజ్ స్వయంగా వెల్లడించాడు కూడా.. 26 ఏళ్ల నీరజ్ చోప్రా కఠినమైన ఆహార నియమాలను పాటిస్తాడు. పానీ పూరీ, స్వీట్లు అతనికి ఇష్టమైనవి. పానీ పూరీ తినడం వలన ఫిట్నెస్ కు నష్టమేమీ ఉండదనే అభిప్రాయాన్ని వ్యక్తం చేస్తాడు. . ఎందుకంటే అందులో ఎక్కువగా నీళ్ళు ఉంటాయి. కడుపులో ఎక్కువ భాగం నీటితో నిండిపోతుందని చెబుతాడు ఈ బల్లెం వీరుడు. 2024 పారిస్ ఒలింపిక్స్‌లో నీరజ్ చోప్రా 2024 పారిస్ ఒలింపిక్స్‌లో పురుషుల జావెలిన్ త్రో లో నీరజ్ చోప్రా సిల్వర్ మెడల్ అందుకున్నాడు. వరసగా రెండు ఒలంపిక్స్ లో పసిడి, రజత పతకాలు అందుకున్న క్రీడాకారుడిగా రికార్డ్ సృష్టించాడు.