ప్రముఖ నటి కారు మెట్రో పనులు చేస్తున్న ప్రయాణికులపైకి దూసుకెళ్లింది. ఈ ప్రమాదంలో ఒకరు అక్కడికక్కడే మరణించగా.. మరొకరు తీవ్రంగా గాయపడ్డారు. ఈ ఘటన శనివారం ముంబై నగరంలో చోటుచేసుకుంది. అయితే ఊర్మిళ కొఠారి గురువారం అర్థరాత్రి సినిమా షూటింగ్ నుండి తిరిగి వస్తుండగా ముంబైలోని కంధివాలి ప్రాంతంలో పోయిసార్ మెట్రో ప్రాజెక్ట్ కోసం పనిచేస్తున్న ఇద్దరు కార్మికులను కారు ఢీకొట్టింది. ఈ ప్రమాదంలో ఓ కూలీ అక్కడికక్కడే మృతి చెందగా, మరొకరికి తీవ్ర గాయాలయ్యాయి.
సరైన సమయంలో ఎయిర్‌బ్యాగ్ తెర్చుకోవడంతో నటి, ఆమె కారు డ్రైవర్ ప్రాణాలతో బయటపడ్డారు. ఈ ఘటనలో ఇద్దరికి కూడా గాయాలు కాగా, ప్రస్తుతం ఆస్పత్రిలో చికిత్స పొందుతున్నారు. కొంతమంది ప్రత్యక్ష సాక్షుల ప్రకారం, నటి హ్యుందాయ్ వెర్నా కారు అతి వేగంతో వెళుతుండగా, అది అదుపు తప్పి కార్మికులపైకి దూసుకెళ్లింది. ఆ తర్వాత రోడ్డు పక్కనే ఉన్న పిల్లర్‌ను ఢీకొట్టింది. సమతా నగర్ పోలీస్ స్టేషన్ పరిధిలో ఈ ఘటన జరగ్గా పోలీసులు కారును సీజ్ చేశారు.
కారు డ్రైవర్‌పై ఫిర్యాదు నమోదు చేసి వాహనాన్ని తనిఖీ చేస్తున్నారు. ఊర్మిళ కొఠారే మరాఠీ సినిమా ఇండస్ట్రీలో ప్రముఖ నటిగా కొనసాగుతోంది. 2006లో విడుదలైన మరాఠీ చిత్రం ‘శుభ్‌ మంగళ్‌ సావధాన్‌’తో ఆమె సినిమా కెరీర్‌ ప్రారంభించింది. ఆ తర్వాత చాలా సినిమాల్లో నటించింది. ఆమె బుల్లి తెరపై కూడా సందడి చేసింది. ఊర్మిళతో పాటు ఆమె భర్త ఆదినాథ్ కొఠారే కు కూడా సినిమా ఇండస్ట్రీతో మంచి సంబంధాలున్నాయి. మరాఠీతో పాటు పలు హిందీ చిత్రాలకు కూడా పనిచేశాడు.
ఊర్మిళ హిందీ సినిమాలకు కూడా పనిచేసింది. 2022 సంవత్సరంలో, సిద్ధార్థ్ మల్హోత్రా, అజయ్ దేవగన్ నటించిన ‘థ్యాంక్ గాడ్’ అనే చిత్రంలో ఆమె సిద్ధార్థ్ సోదరి పాత్రను పోషించింది. ఈ సినిమాలో రకుల్ ప్రీత్ సింగ్, నోరా ఫతేహి కూడా నటించారు. ఇక 2013లో వచ్చిన ‘వెల్‌కమ్ ఒబామా’ సినిమాతో తెలుగు ఆడియెన్స్ ను కూడా పలకరించిందీ అందాల తార.
𝕄𝕌𝕄𝔹𝔸𝕀 | Marathi actress Urmila Kothare met with a car accident after her driver lost control of the car, killing one worker and injuring another. The actress was also injured severely. pic.twitter.com/o9rAPRQS1b
— ℝ𝕒𝕛 𝕄𝕒𝕛𝕚 (@Rajmajiofficial) December 28, 2024