పిడుగురాళ్ల మండలం, బ్రాహ్మణపల్లి సమీపంలో టూవీలర్ కిందపడి ఓ పెద్దాయనకు గాయాలయ్యాయి. ఆయన సాయం కోసం ఎదురుచూస్తున్నారు. అంతలో అటుగా వచ్చిన జానీ మాస్టర్.. ఆయన్ని ఓదార్చారు. హైదరాబాద్ నుంచి నెల్లూరు వెళ్లే క్రమంలో జానీ మాస్టర్.. ఆ గాయపడిన పెద్దాయనను చూశారు. వెంటనే 108కి ఫోన్ చేశారు. కాసేపటి తర్వాత 108 వచ్చింది. అప్పటివరకూ అక్కడే ఉన్న జానీ మాస్టర్.. స్వయంగా ఆయన్ని అంబులెన్స్‌లో తరలించారు. అయితే జైలు నుంచి విడుదలయ్యాక పెద్దగా బయట కనిపించడం లేదు జానీ మాస్టర్.
తన దగ్గర పనిచేసే ఓ లేడీ కొరియోగ్రాఫర్ పై లైంగిక వేధింపులకు పాల్పడినట్లు ఆరోపణలు ఎదుర్కొంటున్నాడు జానీ. ఇదే కేసులో అరెస్టైన జానీ ఇటీవలే బెయిల్ పై జైలు నుంచి బయటకు వచ్చాడు. అయితే జైలు నుంచి రిలీజైన తర్వాత బయట పెద్దగా కనిపించడం లేదీ స్టార్ కొరియోగ్రాపర్. ఎక్కువగా తన కుటుంబ సభ్యులతోనే సమయం గడుపుతున్నాడు. ఇక ఇటీవలే తన ఫ్యామిలీతో కలిసి నెల్లూరుకు వెళ్లాడు. అక్కడే దీపావళి పండగను ఘనంగా సెలబ్రేట్ చేసుకున్నాడు. ఇందుకు సంబంధించిన ఫొటోలను సోషల్ మీడియాలో షేర్ చేసుకున్నాడు.
ఇందులో అతని భార్య, ఇద్దరు పిల్లలు ఎంతో ఆనందంగా కనిపించారు. దీపావళి సెలబ్రేషన్స్ ఫొటోలను సామాజిక మాధ్యమాల్లో షేర్ చేసిన జానీ మాస్టర్.. ‘వాళ్ల కేరింతలే మన సంతోషం.. ఈ పండుగ నాడు మీరు వెలిగించే ప్రతి బాణాసంచాలాంటి చిరునవ్వులు, మిఠాయిల్లాంటి మధురమైన క్షణాలు మీ జీవితంలో ఉండాలని మనస్ఫూర్తిగా కోరుకుంటూ హ్యాపీ దీపావళి’ అని అందరికీ విషెస్ చెప్పాడు. ప్రస్తుతం జానీ మాస్టర్ షేర్ చేసిన పోస్ట్ సామాజిక మాధ్యమాల్లో బాగా వైరలవుతోంది. దీనిని చూసిన అభిమానులు, నెటిజన్లు జానీ మాస్టర్ కు దీపావళి శుభాకాంక్షలు తెలుపుతున్నారు.
చాలా రోజుల తరువాత జానీ మాస్టర్ లో సంతోషం కనిపించిందంటూ నెటిజన్లు కామెంట్స్ పెడుతున్నారు. ఇక జైలు నుంచి ఇంటికి వెళ్లిన సమయంలో జానీ మాస్టర్ ను హత్తుకుని ఆయన పిల్లలు, భార్య భావోద్వేగానికి లోనైన వీడియోలు వైరల్ గా మారడం తెలిసిందే.
వాళ్ళ కేరింతలే మన సంతోషం ❤️
— Jani Master (@AlwaysJani) November 1, 2024
ఈ పండుగ నాడు మీరు వెలిగించే ప్రతి బాణాసంచాలాంటి చిరునవ్వులు,
మిఠాయిల్లాంటి మధురమైన క్షణాలు మీ జీవితంలో ఉండాలని మనస్ఫూర్తిగా కోరుకుంటూ హ్యాపీ దీపావళి. pic.twitter.com/3BXPwFSxsh