స్టార్ హీరో రానా దగ్గుబాటి తండ్రి కాబోతున్నారంటూ ఓ వార్త సోషల్ మీడియాలో జోరుగా ప్రచారం అవుతోంది. ఆయన అర్ధాంగి మిహిక బజాజ్ గర్భవతి అని, త్వరలోనే దగ్గుబాటి కుటుంబంలోకి కొత్త సభ్యుడు రాబోతున్నారని టాక్ నడుస్తోంది. అయితే టాలీవుడ్ హీరో రానా తండ్రి కాబోతున్నాడా అంటే అవుననే వార్తలు బలంగా వినిపిస్తున్నాయి.
రానా భార్య మిహిక కన్సీవ్ అయ్యారని, త్వరలోనే ఈ విషయాన్ని దగ్గుబాటి ఫ్యామిలీ అధికారికంగా ప్రకటించబోతున్నారని తెలుస్తోంది. ఇక చాలా కాలం తరువాత దగ్గుబాటి వారింట శుభవార్త వినిపించడంతో ఫ్యామిలీ అంత సంబరాలు చేసుకుంటున్నారట.
అయితే, ఈ విషయంపై అధికారిక ప్రకటన రావాల్సి ఉంది. ఇక సినిమాల విషయానికి వస్తే, రానా ప్రస్తుతం నటన కంటే నిర్మాణంలోనే ఎక్కువ బిజీగా గా గడుపుతున్నాడు. రానా నాయుడు సీజన్ 2 తరువాత మరో సినిమాను ప్రకటించలేదు రానా.
ఇక ఆయన విలన్ గా చేసిన బ్లాక్ బస్టర్ మూవీ బాహుబలి ది ఎపిక్ పేరుతో అక్టోబర్ 31న విడుదల కానుంది. రెండు భాగాలు కలిసి వస్తున్న ఈ సినిమాకు ఆడియన్స్ ఎలాంటి స్పందన ఇస్తారో చూడాలి.