తమిళ చిత్ర పరిశ్రమలో 2017 నుండి బిగ్ బాస్ తమిళంలో ప్రసారం అవుతోంది. అన్ని భాషల నుండి ప్రముఖ నటులు ఈ షోను హోస్ట్ చేస్తుండగా, నటుడు కమల్ హాసన్ గత 7 సీజన్లుగా తమిళంలో బిగ్ బాస్ షోను హోస్ట్ చేశారు. ప్రస్తుత రియాలిటీ షో కు మాత్రం మక్కల్ సెల్వన్ విజయ్ సేతుపతి వ్యాఖ్యాతగా వ్యవహరిస్తున్నారు.
అయితే ప్రస్తుతం తెలుగు, తమిళ, హిందీ, కన్నడ, మలయాళ భాషల్లో బిగ్ బాస్ సీజన్‌లు విజయవంతంగా కొనసాగుతున్నాయి. తెలుగులో సీజన్ 9 హోరాహోరీగా సాగుతోంది. బుల్లితెరపై అతిపెద్ద రియాలిటీ షోగా పేరుగాంచిన బిగ్ బాస్, బయటి ప్రపంచంతో ఎటువంటి సంబంధం లేకుండా వంద రోజులు ఇంట్లో గడపాలి అనే ప్రధాన నియమాన్ని కలిగి ఉంది.
హౌస్‌లో మొబైల్ ఫోన్లు, టీవీలు వంటివి అనుమతించబడవు.అయితే, ఇప్పుడు బిగ్ బాస్ హౌస్‌లోని పోటీదారులు మొబైల్ ఫోన్లు వినియోగిస్తున్నారనే వార్త ఒకటి వైరల్ అవుతోంది. దీనికి సంబంధించి ఒక వీడియో కూడా నెట్టింటా చక్కర్లు కొడుతోంది. తమిళ బిగ్ బాస్ సీజన్ 9లో కంటెస్టెంట్‌గా ఉన్న వినోద్ తన మొబైల్ గురించి మాట్లాడుతున్న వీడియో లీకైంది.
మక్కల్ సెల్వన్ విజయ్ సేతుపతి హోస్ట్ చేస్తున్న ఈ షోలో ఈ సంఘటన కలకలం రేపుతోంది. దీనిపై ఈ వీకెండ్ ఎపిసోడ్‌లో స్పష్టత వచ్చే అవకాశం ఉంది.