బిగ్ బాస్ లో ఈసారి రైతు బిడ్డ పల్లవి ప్రశాంత్ ఎంట్రీ ఇచ్చి సందడి చేస్తున్న విషయం తెల్సిందే. సోషల్ మీడియా ద్వారానే పల్లవి ప్రశాంత్ కి గుర్తింపు దక్కింది. ఇప్పుడు బర్రెలక్క కూడా దక్కుతున్న పబ్లిసిటీ, సోషల్ మీడియా క్రేజ్ తో బిగ్ బాస్ లో ఎంట్రీ ఇచ్చే అవకాశాలు లేకపోలేదు అనే చర్చ జరుగుతోంది. అయితే మొత్తం 14 మంది కంటెస్టెంట్స్ ఈ సారి హౌస్‌లోకి అడుగు పెట్టారు. సింగిల్ గా కాకుండా ఇద్దరేసి జంటలను బిగ్ బాస్ హౌస్ లోకి పంపించారు హోస్ట్ నాగార్జున. అయితే దీనికి ముందు బిగ్ బాస్ కంటెస్టెంట్ల జాబితాలో బర్రెలక్క అలియాశ్ కర్నె శిరీష పేరు కూడా బాగా వినిపించింది.
తెలంగాణ అసెంబ్లీ, పార్లమెంట్ ఎన్నికల సమయంలో ఈమె పేరు బాగా వినిపించింది. పలువురు సినీ, రాజకీయ ప్రముఖులు కూడా బర్రెలక్కకు బహిరంగంగా తమ మద్దతను ప్రకటించారు. ఇక సోషల్ మీడియాలో అయితే ఈమె పేరు మార్మోగిపోయింది. దీంతో గతేడాది నుంచే బర్రెలక్క పేరు బిగ్ బాస్ కంటెస్టెంట్ల జాబితాలో వినిపించింది. అయితే ఆదివారం జరిగిన బిగ్ బాస్ ఎనిమిదో సీజన్ లాంచింగ్ లో ఆమె పేరు ఎక్కడా వినిపించలేదు. దీంతో చాలామంది నిరాశకు గురయ్యారు. అయితే లేటుగా అయినా లేటెస్ట్ గా బర్రెలక్క బిగ్ బాస్ 8 కంటెస్టెంట్ గా హౌస్ లోకి ఎంట్రీ ఇవ్వనున్నట్లు ప్రచారం జరుగుతోంది.
కాగా గత సీజన్ లాగే ఈసారి కూడా మొత్తం 20 మందిని కంటెస్టెంట్స గా తీసుకోవాలని బిగ్ బాస్ టీమ్ భావించిందట. ఇందులో భాగంగా మొదట విడతలో 14 మంది కంటెస్టెంట్స్ ను హౌస్ లోకి పంపించారట. మిగతా వారిని వైల్డ్ కార్డ్ ఎంట్రీ ద్వారా తీసుకుంటారని తెలుస్తోంది. ఈ ఆరుగురిలో బర్రెలక్క పేరు తప్పకుండా ఉండనుందని సమచారం. కాగా కొన్ని రోజుల క్రితమే తన బిగ్ బాస్ ఎంట్రీపై ఒక వీడియోను రిలీజ్ చేసింది బర్రెలక్క. అందులో ఈ విధంగా చెప్పుకొచ్చింది. ‘బిగ్ బాస్ ఎనిమిదో సీజన్ కంటెస్టెంట్స్ జాబితాలో నా పేరు కూడా ఉంది.
అయితే గత కొన్ని నెలలుగా నా ఫేమ్ బాగా తగ్గిపోయిందట. ఇప్పుడు నన్ను హౌస్ లోకి తీసుకెళ్లడం అంత అవసరమా? అని ఆలోచిస్తున్నారట. బిగ్ బాస్ ఆఫర్ వచ్చినా, రాకున్నా నాకొచ్చిన ఇబ్బంది ఏం లేదు’ అని చెప్పుకొచ్చింది బర్రెలక్క. మరి సోషల్ మీడియాలో ప్రచారం జరుగుతున్నట్లు బర్రెలక్క వైల్డ్ కార్ట్ ఎంట్రీతోనైనా బిగ్ బాస్ హౌస్ లోకి ఎంట్రీ ఇస్తుందో లేదో చూడాలి. అసలే ఈసారి బిగ్ బాస్ లో తెలుగు వారి ప్రాతినిథ్యం చాలా తక్కువగా ఉందని విమర్శలు వస్తున్నాయి.