బాలకృష్ణ ప్రయాణానికి 50 ఏళ్లు. ఈ సందర్భంగా తెలుగు చలన చిత్ర పరిశ్రమ హైదరాబాద్‌లో ఆదివారం భారీ స్థాయి స్వర్ణోత్సవ వేడుకలు నిర్వహించింది. టాలీవుడ్‌తోపాటు ఇతర సినీ పరిశ్రమల ప్రముఖులు, రాజకీయ ప్రముఖులు తరలివచ్చారు. అయితే నిజానికి ఇప్పుడున్న సీనియర్ హీరోల్లో తిరుగులేని డిమాండ్ ఉన్న హీరో బాలకృష్ణనే అని చెప్పడంలో అతిశయోక్తి లేదు. ఇది కేవలం నేనుంటున్న మాటలు కావు… బాక్సాఫీస్ నంబర్‌లు చెబుతున్నాయి.
బాలయ్య నటించిన లాస్ట్ 3 సినిమాలు రూ.100 కోట్లు కలెక్షన్లు కొల్లగొట్టి సంచలనం సృష్టించాయి. అందులో 2 జస్ట్ యావరేజ్ టాక్ తెచ్చుకున్నాయంతే. అయినా కానీ కలెక్షన్లు మాత్రం బీభత్సంగా వచ్చాయి. ఈ లెక్కన బాలయ్య క్రేజ్ రెండు తెలుగు రాష్ట్రాల్లో ఏ రేంజ్‌లో ఉందో ప్రత్యేకంగా చెప్పనవసరం లేదు. ఇక ఈ విషయాలు కాసేపు పక్కన పెట్టేస్తే.. బాలయ్య, చాలా మంది స్టార్ హీరోయిన్‌లతో సినిమాలు చేశాడు.
కానీ ఒక్క హీరోయిన్‌తో మాత్రం ఇప్పటివరకు ఒక్క సినిమా చేయలేదు. ఆ హీరోయినే శ్రీదేవి. సీనియర్ హీరోల నుంచి చిరంజీవి, వెంకటేష్, నాగార్జున వరకు దాదాపు స్టార్ హీరోలందరితో కలిసి శ్రీదేవి సినిమాలు చేసింది. కానీ బాలయ్యతో ఒక్క సినిమాలో కూడా నటించలేదు. యాదృచ్ఛికంగానే శ్రీదేవితో సినిమాలు చేయలేదని, తండ్రి ఎన్టీఆర్‌తో చాలానే సినిమాలు చేసింది కానీ.. నా సినిమాల్లో మాత్రం తను నటించలేదు. దీనికి కారణం అవసరం లేదనిపించిందని బాలయ్య చెప్పాడు.
తన పక్కన దాదాపుగా పెద్ద స్టార్ హీరోయిన్‌లు ఎవరు నటించలేరని, కాస్టింగ్ విషయంలో అవసరం లేకున్నా స్టార్‌లను పెట్టుకోకూడదని.. అలానే శ్రీదేవి వంటి స్టార్ తన సినిమాలకు అవసరంలేదనిపించిందని బాలయ్య చెప్పుకొచ్చాడు. ఆ విధంగా శ్రీదేవిని తన సినిమాల్లో తీసుకోకపోవడానికి కారణం అదేనని తెలిపాడు.