రిలయన్స్ ఇండస్ట్రీస్ యజమాని ముకేష్ అంబానీ తన అద్భుతమైన వ్యాపారానికి మాత్రమే కాదు, అతని జీవనశైలికి కూడా ప్రసిద్ది చెందారు. అతని స్నేహితులు అందరూ ప్రపంచం నలుమూలలో శక్తివంతమైన వ్యక్తులు. అతని సన్నిహితులలో బ్రిటన్ కుటుంబం నుండి అమెరికా అధ్యక్షుడు వరకు ఉన్నారు. అయితే రిలయన్స్ ఇండస్ట్రీస్, దిగ్గజ వ్యాపారవేత్త, ఆసియా కుబేరుడు ముకేశ్ అంబానీ గురించి, ఆయన జీవితం గురించి దాదాపు అందరికీ తెలిసిందే.
వీరికి సంబంధించి ప్రతినిత్యం ఏదో ఒక వార్త కూడా వినిపిస్తూనే ఉంటుంది. లక్షల కోట్ల ఆస్తులు కలిగివున్న అంబానీ ఇంట్లో పని వారికి కూడా భారీగానే జీతం ఉంటుందనే వార్తలు కూడా అనేకం వెలుగులోకి వచ్చాయి. అయితే.. ఇప్పుడు అంబానీ డ్రైవర్ జీతం చర్చనీయాంశంగా మారింది. తెలిస్తే అవాక్కవ్వాల్సిందే..! అయితే, అంబానీ దగ్గర డ్రైవర్ జాబ్ చేసే వ్యక్తి జీతం ఎంత ఉంటుందో చాలామందికి తెలియకపోవచ్చు. కానీ, 2017 నాటి సమాచారం ప్రకారం ముకేశ్ అంబానీ వ్యక్తిగత డ్రైవర్ జీతం నెలకు రూ .2 లక్షలు అని తెలిసింది.
అంటే, ఇది సంవత్సరానికి రూ.24 లక్షల వరకు ఉంటుంది. జీతం కాకుండా వీరికి ఇతర అలవెన్సులు కూడా ఉంటాయి. ఈ వార్త 2017 లో సోషల్ మీడియాలో విపరీతంగా చక్కర్లు కొట్టింది. అయితే అది ఏడేళ్ల కిందటి విషయం. ప్రస్తుతం అంబానీ దగ్గర పనిచేస్తున్న డ్రైవర్ వేతనం ఇప్పుడు రెట్టింపు అయి ఉంటుందని తెలుస్తోంది. చాలా మంది ప్రముఖుల ఇళ్లల్లో పనిచేస్తున్న డ్రైవర్ల జీతాలు భారీగా ఉంటాయి. ఎందుకంటే వారు ప్రొఫెషనల్ డ్రైవర్లుగా సర్టిఫికెట్‌ కలిగి ఉంటారు. వారు ఎంతో కఠినమైన శిక్షణ పొంది ఉంటారు.
ప్రయాణీకులకు అత్యంత భద్రత కల్పిస్తారు. లగ్జరీ, బుల్లెట్ ప్రూఫ్ వాహనాలను నడపడమే కాకుండా, వాటి టెక్నాలజీ, మెయింటెనెన్స్ ల పై పూర్తి అవగాహన కలిగి ఉంటారు. సాధారణంగా ఇలాంటి ప్రొఫెషనల్ డ్రైవర్లను ప్రైవేట్ కాంట్రాక్ట్ ఏజెన్సీల ద్వారా నియమించుకుంటారు. ఆ ఏజెన్సీలే వారికి శిక్షణ కూడా ఇస్తాయి.