మంగళవారం రాత్రి చేవెళ్లలోని త్రిపుర రిసార్ట్లో అర్దరాత్రి జరిగిన బర్త్ డే సెలబ్రేషన్స్పై పోలీసులు ఆకస్మిక దాడి చేసి భారీగా విదేశీ మద్యం, గంజాయి స్వాధీనం చేసుకున్నారని… మంగ్లీతోపాటు మరికొందరిపై కేసు నమోదు చేశారని వార్తలు వినిపించాయి. అనుమతులు లేకుండా పార్టీ నిర్వహించారన్న ఆరోపణలపై మంగ్లీ స్పందించారు. అయితే ‘రాత్రి దాదాపు ఒంటిగంట సమయంలో రిసార్ట్ పై ఫిర్యాదు వచ్చింది. రిసార్టులో పెద్దపెద్ద సౌండ్ చేస్తూ హంగామా చేస్తున్నారంటూ ఫిర్యాదు అందింది.
పెద్ద ఎత్తున డీజే పెట్టారంటూ కంట్రోల్ రూమ్ కి స్థానికులు ఫిర్యాదు చేశారు. ఆ తర్వాత స్థానిక పోలీసుల ఫిర్యాదుతో మహిళా ఎస్సై త్రిపుర రిసార్ట్ కి వెళ్లింది. అక్కడ పదిమంది మహిళలు 12 మంది పురుషులు కలిసి డీజే పెట్టి హంగామా చేస్తున్నట్లు గుర్తించాం. అందరూ కూడా మధ్యమత్తులో ఉండి డాన్సులు చేస్తున్నట్లు గుర్తించాం’ ‘మంగ్లీ బర్త్ డే పార్టీ జరుగుతున్నట్లుగా అక్కడ ఉన్న మేనేజర్ చెప్పాడు. అలాగే బర్త్ డే పార్టీకి ఎలాంటి పర్మిషన్ తీసుకోలేదని మేనేజర్ తెలిపారు.
పార్టీలో పెద్ద ఎత్తున విదేశీ మద్యం ఉన్నట్లు, ఎక్సైజ్ నుంచి లిక్కర్ పర్మిషన్ తీసుకున్నట్లు కూడా లేదని గుర్తించాము. ఇదే విషయంపై బర్త్ డే పార్టీ చేసుకుంటున్న మంగ్లీని విచారించాం. తమ పార్టీ అనుమతి లిక్కర్ అనుమతి డీజే అనుమతి లేదని చెప్పారు. డీజేను ఈవెంట్ మేనేజర్ మేఘరాజు చేస్తున్నట్లుగా గుర్తించాం. పార్టీలో పాల్గొన్న పురుషులు మహిళలు అందరికీ డ్రగ్ టెస్ట్ నిర్వహించాం. డ్రగ్ కిట్టు ద్వారా అందర్నీ పరీక్షిస్తే ఒక్కరు గంజాయి తీసుకున్నట్లు తేలింది. మంగ్లీ అనుచరుడుగా ఉన్న దామోదర్ రెడ్డి గంజాయి తాగినట్లు గుర్తించాం.
దామోదర్ రెడ్డిని అరెస్టు చేసి విచారించి పంపించేశాం. పార్టీలో పెద్ద ఎత్తున విదేశీ మద్యాన్ని గుర్తించాం. అనుమతి లేకుండా పార్టీ నిర్వహించిన మంగ్లీ సోదరుడు శివరామకృష్ణ పై కేసు నమోదు చేశాం. పోలీసుల ఎక్సైజ్ అనుమతి లేకుండా పార్టీ ఏర్పాటు చేసినందుకు మంగ్లీ పైన కేసు నమోదు చేశాం. ఎలాంటి అనుమతులు లేకుండా పార్టీకి అనుమతి ఇచ్చిన త్రిపుర రిసార్ట్ మేనేజ్మెంట్ దామోదర్ పైన కేసు పెట్టాం. ఈవెంట్ ఆర్గనైజర్ మేఘరాజ్ పై కూడా కేసు నమోదు చేసి విచారణ చేస్తున్నాం’
Popular singer Mangli landed in a legal controversy as foreign #liquor and #Ganja were found at her birthday party held at a resort in #Chevella , outskirts of #Hyderabad
— Surya Reddy (@jsuryareddy) June 11, 2025
The police have booked a case against #Mangli and Resort General manager.
Reportedly Chevella Police… pic.twitter.com/hudTKBAbyR