సోషల్ మీడియాలో చాలాసార్లు అదే జరుగుతుంది సంబంధం లేకుండా ఫేక్ వార్తలు వైరల్ అవుతూ ఉంటాయి. ఎవరో ఒక ఆగతాయి ఫాలోవర్లను సంపాదించుకునేందుకు ఫేక్ న్యూస్ క్రియేట్ చేసి సోషల్ మీడియాలో పోస్ట్ చేస్తారు. అలా పోస్ట్ చేసిన వార్త నిజమో అబద్దమో తెలియకుండా వైరల్ చేస్తూ ఉంటారు. తాజాగా అదే జరిగింది బాలీవుడ్ ప్రముఖ నటి నోరా ఫతేహి చనిపోయింది అంటూ ఓ ఇంస్టాగ్రామ్ పేజీ వీడియో షేర్ చేసింది.
అయితే నోరా ఫతేహి.. బాలీవుడ్ లో స్పెషల్ సాంగ్స్ తో మెప్పిస్తోన్న ఈ ముద్దుగుమ్మ మృతి చెందిందంటూ ఓ ఇన్ స్టా గ్రామ్ పేజీ షేర్ చేసిన వీడియో తెగ వైరల్ అవుతోంది. ఈ వీడియోలో నోరా ఫతేహి బంగీ జంప్ చేసేందుకు ఎత్తైన ప్రదేశం నుంచి దూకిందని, రోప్ తెగిపోవడంతో ఆమె లోయలోకి పడిపోయి ప్రాణాలు కోల్పోయిందని నకిలీ ఫోటోలు జత చేసి షేర్ చేశారు. దీంతో ఒక్కసారిగా నోరా అభిమానులు, బంధువులు టెన్షన్ పడ్డారు.
అయితే బాలీవుడ్ సినీ వర్గాల సమాచారం ప్రకారం నోరా ఫతేహి క్షేమంగా ఉన్నట్లు స్పష్టమైంది. నెట్టింట వైరల్ అవుతోన్న వీడియో కల్పితమని క్లారిటీ వచ్చింది. బంగీ జంప్ చేస్తూ మృతి చెందిన మహిళ,నోరా ఫతేహి కాదని తేలింది. దీంతో నోరా అభిమానులు ఊపిరి పీల్చుకున్నారు. అయితే ఈ వీడియో చూసిన అభిమానులు మాత్రం ఫేక్ వీడియో షేర్ చేసిన ఇన్స్టాగ్రామ్ పేజీపై చర్యలు తీసుకోవాలంటూ సైబర్ క్రైమ్ పోలీసులకి ట్యాగ్ చేస్తున్నారు.
దీంతో ఇన్ స్టా గ్రామ్ పేజీ నిర్వాహకులు ఆ ఫేక్ వీడియోని తొలగించారు. కానీ అప్పటికే ఈ వీడియో వైరల్ కావడంతో చాలామంది నోరాకు నివాళి, సంతాపం తెలియజేస్తూ కామెంట్లు, పోస్టులు షేర్ చేశారు.