ప్రస్తుతం ముఖేష్ అంబానీ వాడే ఫోన్ గురించి ఇప్పుడు నెట్టింట పెద్ద ఎత్తున చర్చ నడుస్తోంది.ఇటీవల ఆయన కుమారుడు అనంత అంబానీ వివాహం సందర్భంగా దేశవ్యాప్తంగా చేసిన హడావిడి అందరికీ తెలిసిందే. డబ్బులు మంచినీళ్ళలా ఖర్చుపెట్టి కోట్లాది రూపాయలతో ఈ వివాహాన్ని అంగరంగ వైభవంగా చేశారు.ప్రపంచవ్యాప్తంగా ఉన్న పారిశ్రామిక దిగజాలతో సహా సెలబ్రిటీలంతా క్యూ కట్టారు. దీన్నిబట్టి ముఖేష్ అంబానీ పవర్ ఏంటో యావత్ ప్రపంచానికి తెలిసి వచ్చింది.
అయితే అయితే పెళ్లి వేడుకలో తీసిన ఫోటోలను బట్టి అతను ఏ ఫోన్ వాడుతున్నాడో కూడా తెలిసిపోతుంది. ముఖేష్ అంబానీ ఆల్ టైమ్ ఫెవరెట్ మొబైల్ ఐఫోన్ 15 ప్రో మ్యాక్స్ వాడుతున్నారు. ఈ ఫోన్ అధునాతన ఫీచర్లతో ఆపిల్ కంపెనీ లేటెస్ట్ స్మార్ట్‌ఫోన్. ఐఫోన్ 15 సిరీస్‌లో అత్యంత ఖరీదైన మోడల్ కూడా. 1 TB స్టోరేజ్ ఉన్న మోడల్ ధర దాదాపు రూ. 2 లక్షలు.
256 GB స్టోరేజ్ మోడల్ ధర సుమారు రూ. 1.50 లక్షలు. ఐఫోన్ 15 ప్రో మ్యాక్స్ లో ప్రత్యేక ఫీచర్లు ఉన్నాయి. ఫోన్ వెనుక భాగంలో 48MP, 12MP & 12MP సెన్సార్‌లతో పవర్ ఫుల్ కెమెరా సెటప్‌ ఉంది. ముందు భాగంలో 12MP సెల్ఫీ కెమెరా కూడా ఉంది. గ్రేడ్-5 టైటానియంతో తయారైన ఈ సెల్ ఫోన్ దృఢంగా ఉండటమే కాకుండా వాటర్ ప్రూఫ్ కూడా.
దీని స్మూత్ అండ్ గ్లాసి డిజైన్ మంచి పర్ఫార్మెన్స్ ఇస్తుంది. ఈ లగ్జరీ ఫోన్‌ను అంబానీ కుటుంబంలో ముకేశ్ అంబానీ మాత్రమే కాదు, ఆయన సతీమణి నీతా అంబానీ కూడా ఇదే మొబైల్‌ను ఉపయోగిస్తున్నారు. ఐఫోన్ 15 ప్రో మ్యాక్స్ భారతదేశంలోని వివిధ ప్రముఖులు, రాజకీయ నాయకుల చేతుల్లో కూడా కనిపిస్తుంటుంది.