ట్రాక్‌పై కారు అదుపు తప్పి పక్కనే ఉన్న సేఫ్టీ వాల్‌ను ఢీకొట్టింది. దీంతో కారు ట్రాక్‌పైనే రౌండ్లు రౌండ్లుగా తిరుగుతూ ఒక చోట ఆగిపోయింది. వెంటనే అలర్ట్ అయిన సేఫ్టీ గార్డ్స్.. అజిత్ కారు వద్దకు వచ్చారు. అజిత్‌‌ను బయటకు దించారు. ఈ ఘటనలో అజిత్‌కు పెద్దగా గాయాలేమీ కాలేదు. అయితే హీరో అజిత్ కు ప్రమాదం జరిగింది. దుబాయ్ కారు రేసులో ప్రమాదం జరిగింది. అజిత్ డ్రైవ్ చేసిన కారు పల్టీలు కొట్టింది. అజిత్‌కు తృటిలో పెనుముప్పు తప్పింది.
స్వల్పగాయాలతో హీరో అజిత్ బయటపడ్డారు. దుబాయ్ కారు రేసులో స్టార్ హీరో అజిత్ గాయపడ్డారు. అజిత్ కారు వాల్‌ను ఢీకొట్టి పల్టీలు కొట్టింది.. ప్రమాదం నుంచి తృటిలో బయటపడ్డారు అజిత్.. ఆయనకు స్వల్పగాయాలు కావడంతో అందరూ ఊపిరి పీల్చుకున్నారు. సినిమాలే కాకుండా తనకు అత్యంత ఇష్టమైన కార్ రేసింగ్ కోసం ఇటీవలే దుబాయ్ లో శిక్షణ తీసుకున్నాడు అజిత్. ప్రస్తుతం అజిత్ కుమార్ తన రేసింగ్ టీమ్ తో కలిసి కార్ రేస్ జరుగుతున్నట్రాక్ పై ఈ-బైక్ నడుపుతున్న వీడియో ఇంటర్నెట్‌లో వైరల్ అవుతోంది.
అజిత్ సినిమాల విషయానికొస్తే ఆయన నటించిన రెండు సినిమాలు ఈ ఏడాది విడుదల కానున్నాయి, బ్యాడ్ అగ్లీ రిలీజ్ డేట్‌ను చిత్ర బృందం ఇటీవలే ప్రకటించింది. ఏప్రిల్ 10న ఈ చిత్రాన్ని ప్రపంచ వ్యాప్తంగా విడుదల చేయనున్నట్లు చిత్ర బృందం అధికారికంగా ప్రకటించింది. ఈ సినిమా కంటే ముందు ఆయన నటించిన విదాముయర్చి సినిమా పొంగల్ కు రిలీజ్ అవ్వాల్సి ఉంది కానీ వాయిదా పదండి. సినిమా విడుదల విషయంలో కొన్ని ఇబ్బందులు ఉన్నాయని, ముఖ్యంగా రూ.10 కోట్ల వరకు అప్పులు ఉన్నాయని కోలీవుడ్ వర్గాల్లో టాక్ వినిపిస్తుంది.
Ajith Kumar’s massive crash in practise, but he walks away unscathed.
— Ajithkumar Racing (@Akracingoffl) January 7, 2025
Another day in the office … that’s racing!#ajithkumarracing #ajithkumar pic.twitter.com/dH5rQb18z0