తిరుమల శ్రీ వెంకటేశ్వర స్వామిని పలువురు ప్రముఖులు దర్శించుకున్నారు. బుధవారం ఉదయం, విఐపీ విరామ సమయంలో, ప్రముఖ సినీ నటి ప్రేమ, ప్రముఖ యాంకర్ ప్రదీప్ మాచిరాజు వేర్వేరుగా స్వామి వారి సేవలో పాల్గొని మొక్కులు చెల్లించుకున్నారు. అనంతరం, రంగనాయకుల మండపంలో వేద పండితులు వేద ఆశీర్వచనం చేశారు. ఆలయ అధికారులు, పట్టు వస్త్రంతో స్వామి వారిని సత్కరించి, శ్రీవారి తీర్థ ప్రసాదాలను అందజేశారు.
ఈ సందర్భంలో, ప్రదీప్ మీడియాతో మాట్లాడుతూ, “అక్కడ అమ్మాయి, ఇక్కడ అబ్బాయి” చిత్రాన్ని పూర్తిగా చేయడం సందర్భంగా శ్రీవారిని దర్శించుకున్నామని తెలియజేశారు. అయితే గతంలో ఎన్నో సూపర్ హిట్ సినిమాల్లో నటించిన ఈ అందాల తార ఇప్పుడు గుర్తు పట్టలేకుండా మారిపోయారు. అయితే ఆ తర్వాత ఆమె దేవి మూవీ హీరోయిన్ ప్రేమ అని తెలుసుకుని ఫొటోలు , సెల్ఫీలు దిగారు.
కాగా స్టార్ యాంకర్ ప్రదీప్ హీరోగా నటిస్తోన్న అక్కడ అమ్మాయి ఇక్కడ అబ్బాయ సినిమాలో ప్రేమ కూడా ఒక కీలక పాత్ర పోషిస్తోందని తెలుస్తోంది. ఈ క్రమంలోనే ఆమె తిరుమల శ్రీవారిని దర్శించుకున్నట్లు తెలుస్తోంది. బెంగళూరుకు చెందిన ప్రేమ పలు సూపర్ హిట్ సినిమాల్లో హీరోయిన్ గా నటించింది. ముఖ్యంగా ఉపేంద్ర దర్శకత్వంలో వచ్చిన ఉపేంద్ర మూవీలో హీరోయిన్ గా మెరిసింది. ఆ తర్వాత కోడి రామకృష్ణ దర్శకత్వంలో దేవి సినిమాతో తెలుగు ఆడియెన్స్ ను పలకరించింది.
అలాగే ధర్మచక్రం, జగదేక వీరుడు, అదిరింఇ గురు, అత్తా నీ కొడుకు జాగ్రత్తా, కోరుకున్న ప్రియుడు, చెలికాడు, ఓఒకారం, మా ఆవిడ కలెక్టర్, దీర్ఘ సుమంగళి భవ, నువ్వే కావాలి, అమ్మో ఒకటి తారీఖు, రాయలసీమ రామన్న చౌదరి, చిరు నవ్వుతో, ప్రేమతో రా, ఢీ, దేవీ పుత్రుడు తదితర సినిమాల్లో కథానాయికగా, సహాయక నటిగా నటించింది. ప్రేమ చివరిగా మై నేమ్ శృతి అనే తెలుగు సినిమాలో నటించింది.