పార్టీ చేసుకుందామని స్థానిక దుకాణంలో పెద్ద ఎత్తున బీర్లు కొనుగోలు చేశాడో వ్యక్తి. ఆనక వాటిని తీసుకొచ్చి.. ఓపెన్‌ చేయబోగా బీరు సీసాలో కనిపించిన దృశ్యం చూసి గుడ్లు తేలేశాడు. బీరు సీసాలో ఓ సరీసృపం తేలుతూ కనిపించింది. దీంతో పరాషానైన సదరు వ్యక్తి బాటిల్‌ను ఓపెన్‌ చేయకుండానే నేరుగా షాప్‌కు తీసుకెళ్లాడు. ఇదేంటని ప్రశ్నించగా..
తమకేం తెలియదని దబాయించడంతో చిర్రెత్తిపోయిన సదరు వ్యక్తి వీడియో తీసి సోషల్ మీడియాలో పోస్టు చేశాడు. ఈ షాకింగ్‌ ఘటన తెలంగాణలోని వికారాబాద్‌ జిల్లాలో వెలుగు చూసింది. ఇందుకు సంబంధించిన వీడియో ప్రస్తుతం సోషల్ మీడియాలో వైరల్‌గా మారింది. అయితే ధారూరులోని ఓ వైన్‌ షాపులో గురువారం కొన్న బీరు సీసాలో ఏదో అవశేషం ఉందని సదరు వ్యక్తులు గుర్తించి ఫొటో తీసి సోషల్ మీడియాలో వైరల్‌ చేశారు.
కేరెల్లికి చెందిన లక్ష్మీకాంత్‌రెడ్డి, అనంతయ్య విందుకోసమని రూ.4వేల విలువైన వివిధ బ్రాండ్‌ల మద్యాన్ని కొనుగోలు చేశారు. స్ర్టాంగ్‌ బీరు సీసాలో గుర్తుతెలియని అవశేషం కన్పించడంతో అవాక్కయ్యారు. బీరు బాటిల్‌లో ఉన్నది బల్లి అవశేషం అనుకొని భయాందోళనకు గురయ్యారు.
బాటిల్‌ను ఓపెన్‌ చెయ్యకుండా వైన్‌ షాపునకు వెళ్లి యజమానిని ప్రశ్నించారు. తనకు సంబంధం లేదని షాప్‌ ఓనర్‌ దబాయించాడు. దీంతో లక్ష్మీకాంత్‌రెడ్డి బీరు బాటిల్‌ ఫొటో తీసి సామాజిక మాధ్యమాల్లో పోస్ట్‌ చేయగా అది వైరలైంది.
In a viral video from Dharur, Vikarabad, #Telangana, a consumer found Lizard in a #Budweiser beer purchased in a local liquor shop. pic.twitter.com/8jMfZuZe67
— Sowmith Yakkati (@YakkatiSowmith) October 25, 2024